تین طلاق کا معاملہ : خواتین کو انصاف دلانا ہے تو عشرت کی والدہ اور ذکیہ جعفری کو دلاؤ انصاف: بیرسٹر اسد الدین اویسی

ممبرا۔ یکساں سول کوڈ اور طلاق ثلاثہ کے معاملہ پر ان دنوں پورے ملک میں نہ صرف مذہبی و سماجی حلقوں سے آوازیں اٹھ رہی ہیں بلکہ اس موضوع پر اب سیاسی گلیاروں سے بھی پر زور آوازیں اٹھنے لگی ہیں ۔ ممبرا میں مجلس اتحاد المسلمین کے ایک جلسہ عام میں تقریر کے دوران رکن پارلیمنٹ اسد الدین اویسی نے کہا کہ یکساں سول کوڈ کے



نفاذ سے مذہبی شناخت کو خطرہ ہے۔ اس لئے اس کے خلاف ملک کے ہر شہری کو آواز اٹھانی چاہئے۔ یہاں انھوں نے کہا کہ عورتوں کو انصاف دلانے کے نام پر شرعی قانون تین طلاق معاملہ کو اچھالا جارہا ہے ۔ اگر حکومت کا منشا خواتین کو انصاف دلانا ہی مقصود ہے توممبرا کی عشرت جہاں کی والدہ اور گجرات کی ذکیہ جعفری کو انصاف کیوں نہیں دلاتے